Алматы, 30 сәуір 2019 — «Кселл» акционерлік қоғамы («Kcell» немесе «Компания»), LSE, KASE: KCEL), Қазақстанның телекоммуникациялық нарығындағы жетекші оператор, директорлар кеңесінің Бунёд Раматовты Бас қаржы директоры етіп тағайындағанын хабарлайды.
Тағайындау 2019 жылғы 2 мамырдан бастап күшіне енеді. Қазіргі қаржы директоры Андис Локмелис басқа мүмкіндіктерді пайдалану үшін Компаниядан кетті.
Раматов мырзаның қаржы және аудит саласында үлкен еңбек тәжірибесі бар. Соңғы жеті жыл ішінде Раматов мырза «Филип Моррис Казахстан» және «БАСФ Орталық Азия» компанияларын қоса, бірнеше халықаралық компанияларда қаржы директоры болып жұмыс істеді. Осыған дейін Раматов мырза «Делойт, Каспий аймағы» компаниясында аудит жөніндегі аға менеджер қызметін атқарды. Раматов мырза Қазақстан Республикасының білікті аудиторы және АССА-ның (дипломы бар сертификатталған бухгалтерлердің қауымдастығы) құрметті мүшесі болып табылады.
Анықтама үшін
| Кселл | |
| Инвесторлармен байланыс | |
| Ирина Шоль | Тел: +7 727, 2582755, ішкі 1002Investor_relations@kcell.kz |
| БАҚНаталья Еськова | Тел: +7 727 2582755, қос. 1902Pressa@kcell.kz |
| Халықаралық БАҚ | |
| Instinctif Partners | Tel: +44 207 457 2020 |
| Кей Ларсен, Галина Кулачек |
Компания туралы
Kcell мобильді дауыстық байланыс, қысқа хабарламалар жіберу қызметтерін, мультимедиялық хабарламалармен алмасу, мобильді контентке қолжетімділік сияқты қосымша қызметтерді (VAS), сондай-ақ деректерді беру, соның ішінде Интернет желісіне қолжетімділік қызметтерін ұсынады. Нарықта компания екі брендпен ұсынылған: нысаналы аудиториясы корпоративтік клиенттер (соның ішінде мемлекеттік мекемелер) болып табылатын Kcell және бұқаралық нарық абоненттеріне бағдарланған Activ. Компания ҚР-ның бүкіл дерлік аумағын қамтитын өзінің кең ауқымды жоғары сапалы мобильді байланыс желісінің көмегімен қызмет көрсетеді.
2012 жылғы желтоқсан айында Kcell Лондон қор биржасында GDR (жаһандық депозитарлық қолхаттарын) және Қазақстан қор биржасында жай акцияларын сәтті орналастыруды аяқтады. Баға бір GDR үшін 10,50 АҚШ доллары және бір акция үшін 1,578.68 теңге деңгейінде белгіленді, бұл ретте бір GDR бір акцияға сәйкес келеді. Орналастыру Kcell акционерлік капиталының 25%-дық үлесіне сәйкес келетін 50 миллион дана санындағы акцияларды сатуын қамтыды.
2018 жылғы 21 желтоқсанда «Қазақтелеком» АҚ Kcell-дің Telia Company және Fintur Holdings B.V. компанияларына тиесілі 75 пайыз акциясын сатып алды.
Алдағы уақытта компания желілік қамтуды кеңейту және жоғары сапалы байланыс қызметін ұсыну үшін өзінің 3G/4G желісін дамытуға инвестициялауды жалғастыруды жоспарлап отыр. Kcell өз өнімдері мен қызметтерін бәсекеге қабілетті бағалармен ұсынып, өнімдері мен қызметтерінің ассортиментін кеңейтіп, өз желісінің сапасын қамтамасыз етіп және өз брендінің құндылығын арттырып, мобильді байланыс нарығында қызмет көрсетудің жоғарғы стандарттарын қолдауға ұмтылады.