Skip to content
2021 ж. 31 тамыз, Алматы қ. – Бүгін ұялы байланыс операторы Kcell, Jusan Bank және Mastercard халықаралық төлем жүйесі «Kcell және activ мобильді қосымшаларында OGO Банк өнімдері» бірегей бірлескен жобасының іске қосылғанын жариялады: «OGO Card» цифрлық кобрендтелген төлем картасы, «OGO депозит» және жақын арада – «OGO кредит». Жоба ұялы байланыс операторының абоненттеріне Jusan Bank ұсынатын қызметтерге қолайлы және уақтылы қол жеткізу мүмкіндігін көздейді.
Бұл посткеңестік кеңістіктегі ең соңғы инновациялар мен финтех-индустрияның, телеком-сектордың және банк саласының артықшылықтарын біріктіретін алғашқы жоба: телеком-қосымшадағы (SuperApp) өнімдердің қолжетімділігі, IBAN толыққанды дебеттік картаны дереу қашықтан ашу, ұялы телефон теңгерімінен картаны тегін толтыру, сондай-ақ қолма-қол ақшасыз төлемдер үшін сыйақы сомасының 10% дейін алу мүмкіндігі.
OGO Card цифрлық картасы пайдаланушыға бүкіл әлем бойынша өзіне қолайлы кез келген тәсілмен, оның ішінде байланыссыз, сондай-ақ ApplePay немесе SamsungPay сервистерінің көмегімен төлеуге мүмкіндік береді. Бұл ретте карта иесіне Mastercard халықаралық төлем жүйесі өз клиенттеріне беретін барлық артықшылықтар қолжетімді болады – бұл компанияның серіктестері – сауда-сервистік кәсіпорындар желісіндегі науқандар мен ұсыныстар.
OGO картасының иелері үшін Банк сервистеріне жедел қолжетімділіктің арқасында төлемдер мен аударымдар бойынша операциялар жүргізу мүмкіндігі, сондай-ақ OGO Депозитін ашу және Банкте OGO Кредит алу мүмкіндігі пайда болады. Бұл ретте өнімді ашқаны және пайдаланғаны үшін клиенттер OGO Bonus бағдарламасындағы бонустармен сыйақы алады, олармен қосымша ішіндегі қызметтерге ақы төлеуге болады. Бонустарды барлық Kcell және activ абоненттерімен бөлісуге, сондай-ақ байланыс қызметтеріне ақы төлеу үшін ұялы телефон теңгеріміне шығаруға болады.
Бонустар төлемдерді OGOCard көмегімен белсенді жүзеге асырғаны үшін, сондай-ақ OGO Депозиті және OGO Кредиті өнімдерін ашқаны, белсендіргені және пайдаланғаны үшін есептеледі. Әрбір осындай операция үшін пайдаланушыға OGO бонустар түрінде ақшаның бір бөлігі қайтарылады. 1 OGO Bonus 1 теңгеге баламалы. OGO Bonus абоненттің Kcell және activ мобильді қосымшалары арқылы ашқан бонустық шотына есептеледі және абоненттің мобильді шотындағы ақша қаражаты болып табылмайды.
Жобаға қатысушы болу үшін Kcell және activ мобильді қосымшаларының OGO бөлімінде өнімді таңдап, қашықтан биометрикалық сәйкестендіруден өтіп, OGO картасын ашу қажет.
OGO Card, OGO Депозит, OGO Кредит банктік өнімдеріне Kcell және activ абоненттері болып табылатын, аванстық төлем нысаны бар мобильді оператордың өз атына ресімделген нөмірі бар ҚР азаматтары (жеке тұлғалар) қол жеткізіп, банк өнімдерін ашуға мүмкіндік алады. Бағдарлама туралы көбірек ақпаратты мына жерден алуға болады.
«Біз клиенттерімізге осы бірегей ұсынысты бергенімізге қуаныштымыз. Оны әзірлеу барысында біз финтех-индустрияның ең соңғы жетістіктерін, түрлі нарықтарда табысты іске асырылған ең үздік жаһандық және жергілікті мысалдарды пайдалануға тырыстық. Біздің серіктестеріміз клиенттік тәжірибені жақсартуға және мобильді төлемдерді пайдалануды одан әрі оңай, ыңғайлы және қауіпсіз етуге мүмкіндік беретін идеяларымызды іске асыруға көмектесті», – деп атап өтті «Кселл» АҚ Басқарма төрағасы, Бас атқарушы директоры Юрий Харламов.
«Бұл жобада Jusan Bank технологиялық серіктес және қаржы операторы рөлін атқарады. Біз жобадағы клиенттердің қаржылық операцияларымен байланысты процестерді іске асыруды және қолдауды толық қолға алдық. Өзіміздің ұзақ мерзімді даму стратегиямызда біз өз клиенттеріміз үшін дағдылы түсініктегі банкке қарағанда көбірек болғымыз келетінін анықтадық. Ол үшін біз Jusan брендімен сервистердің қомақты цифрлық экожүйесін құрдық және белсенді түрде дамытудамыз, онда біздің клиенттер тек цифрландырылған банк өнімдерін ғана емес, сонымен қатар маркетплейсті, сақтандыру, инвестициялау қызметтерін де пайдалана алады. OGO Card, OGO Депозит және OGO Кредит құру жобасы – Jusan Bank-тың инновациялық өнімдерді әзірлеу және енгізу бағытындағы тағы бір қадамы, демек, біздің клиенттеріміздің күтулеріне қарай бір қадам», – деп атап өтті Jusan Bank басқарма төрағасы Айбек Қайып.
«Қазақстан – Mastercard үшін басым нарықтардың бірі, онда 25 жылдан астам уақыт бойы біз бизнес-серіктестер мен адамдарға төлемдердің қолайлылығы мен қауіпсіздігін қамтамасыз ету үшін инновациялар мен технологияларды жүйелі түрде енгізіп келеміз. Біздің миссиямыз – барлығына және әр жерде басымдық беретін цифрлық экономиканы дамыту және күшейту. Біздің пайымдауымыз – бұл қолма-қол ақшасыз әлем, сондықтан компания электрондық төлемдерді дамыту мен қаржылық қызметтерді қолжетімді ету үшін қолдан келгеннің бәрін жасайды. Бұл ынтымақтастық нәтижесінде бизнеске, тұтынушыларға және жалпы елге пайда әкелетін қолма-қол ақшасыз технологияларды дамытуға ықпал ететініне сенімдімін», – деді Mastercard Қазақстандағы және Орталық Азиядағы бас директоры Рафал Трэпка.
Редакциялар үшін:
«Кселл» АҚ мобильді дауыстық байланыс, қысқа хабарламалар жіберу қызметтерін, мультимедиялық хабарламалармен алмасу, мобильді контентке қолжетімділік сияқты қосымша қызметтерді (VAS), сондай-ақ деректерді беру, соның ішінде Интернет желісіне қолжетімділік қызметтерін ұсынады. Нарықта компания екі брендпен ұсынылған: нысаналы аудиториясы корпоративтік клиенттер (соның ішінде мемлекеттік мекемелер) болып табылатын Kcell және бұқаралық нарық абоненттеріне бағдарланған Activ. Компания ҚР-ның бүкіл дерлік аумағын қамтитын өзінің кең ауқымды жоғары сапалы мобильді байланыс желісінің көмегімен қызмет көрсетеді.
Алдағы уақытта компания желілік қамтуды кеңейту және жоғары сапалы байланыс қызметін ұсыну үшін өзінің 3G/4G желісін дамытуға инвестициялауды жалғастыруды жоспарлап отыр. Kcell өз өнімдері мен қызметтерін бәсекеге қабілетті бағалармен ұсынып, өнімдері мен қызметтерінің ассортиментін кеңейтіп, өз желісінің сапасын қамтамасыз етіп және өз брендінің құндылығын арттырып, мобильді байланыс нарығында қызмет көрсетудің жоғарғы стандарттарын қолдауға ұмтылады. «Кселл» АҚ баспасөз қызметі
+7 701 211 6040
Jusan Bank
«First Heartland Jusan Bank» АҚ (Jusan Bank) – Қазақстанның ірі банктерінің бірі. Банк әмбебап профильді дамытады, сондай-ақ клиенттерге банктік сервистерден басқа сақтандыру және брокерлік қызметтерді алуға, сондай-ақ Jmart маркетплейсіне қол жеткізуге мүмкіндік беретін жеке экожүйені жасайды. Банк банк қызметтерінің барлық спектрін көрсетеді: корпоративтік клиенттерге, бөлшек клиенттерге, шағын және орта бизнес субъектілеріне, Private Banking клиенттеріне. Банк қызметінің географиясы 100-ден астам бөлімшелер мен 850 банкоматты қамтитын өңірлік желінің, сондай-ақ қолданыстағы Jusan және Jusan Business цифрлық сервистерінің арқасында бүкіл Қазақстанды қамтиды. Банктің қаржылық тұрақтылығы жетекші халықаралық рейтингтік агенттіктің бағалауымен расталады – 2021 жылғы маусымда Moody ‘s Investors Service Jusan Bank-қа ұлттық және шетел валютасындағы депозиттер бойынша B1 деңгейінде ұзақ мерзімді рейтингтер берді. Рейтингтері бойынша болжам «Тұрақты».
Jusan Bank баспасөз қызметі
Тел.: +7 (727) 331-26-00 ішкі тел. 1215
E-mail: s.assanova@jusan.kz
Masterсard — төлем индустриясында жұмыс істейтін жаһандық технологиялық компания. Біздің миссиямыз – қауіпсіз, қарапайым, технологиялық және қолжетімді транзакцияларды қамтамасыз ете отырып, барлығына артықшылық беретін цифрлық экономиканы дамыту және күшейту. Қорғалған деректер мен желілерді пайдалана отырып, серіктестіктер құра отырып және шабыттандыратын нәрселерге сүйене отырып, біз адамдарға, қаржы институттарына, үкіметтерге және бизнеске өзінің ең үлкен әлеуетін іске асыруға көмектесетін инновациялар мен шешімдерді ұсынамыз. Біздің мәдениетіміз және компанияның ішінде және одан тысқары жерлерде жасайтын істеріміз адамгершілік коэффициентіне (decency worldient, DQ) сәйкес анықталады. Біз 210-нан астам елдер мен аумақтарда бизнес жүргізіп, барлығына баға жетпес мүмкіндіктер ашатын тұрақты әлем құрудамыз.
Қазақстандағы Mastercard баспасөз кеңсесі
Тел: +7 (727) 264 67 37