Алматы, 19 қараша 2019 – «Кселл» акционерлік қоғамы (бұдан әрі «Kcell» немесе «Компания») (LSE, KASE: KCEL) – Қазақстанның телекоммуникациялық нарығындағы жетекші оператор өз акционерлері мен инвесторларын 2019 жылдың 18 қарашасында Компанияның директорлар кеңесінің келесі шешімдерді қабылдағанын хабарлайды:
- «Кселл» АҚ Басқармасының сандық құрамы анықталсын – 4 адам, оның ішінде Басқарма Төрағасы және Басқарманың үш мүшесі;
- 2019 жылдың 18 қарашасынан бастап Насритдинходжаев Хикматулла Завихуллаевич «Кселл» АҚ Бас коммерциялық директоры ретінде тағайындалсын;
- 2019 жылдың 18 қарашасынан бастап Насритдинходжаев Хикматулла Завихуллаевич Басқарма мүшесі ретінде сайлансын;
- Насритдинходжаев Хикматулла Завихуллаевичтің Бас коммерциялық директор, «Кселл» АҚ Басқарма мүшесі ретіндегі уәкілеттілік мерзімі – сайланған сәттен бастап бір жыл көлемінде анықталсын.
«Кселл» АҚ Басқармасының өзгертілген құрамы:
- Кукелис Каспарс – Басқарма Төрағасы, Бас атқарушы директор;
- Есеркегенов Аскар Алибекович – Басқарма мүшесі, Бас техникалық директор;
- Ельцов Сергей Валерьевич – Басқарма мүшесі, Құқықтық мәселелер жөніндегі бас директор;
- Насритдинходжаев Хикматулла Завихуллаевич – Басқарма мүшесі, Бас коммерциялық директор.
Сұранымдар үшін:
| Kcell | |
| Инвесторлармен байланыс | |
| Ирина Шоль | Тел: +7 727, 2582755, ішкі 1002Investor_relations@kcell.kz |
| Халықаралық БАҚ | |
| Instinctif Partners | Тел: +44 207 457 2020 |
| Кэй Ларсен, Галина Кулачек |
Компания туралы
Kcell мобильді дауыстық байланыс, қысқа хабарламалар жіберу қызметтерін, мультимедиялық хабарламалармен алмасу, мобильді контентке қолжетімділік сияқты қосымша қызметтерді (VAS), сондай-ақ деректерді беру, соның ішінде Интернет желісіне қолжетімділік қызметтерін ұсынады. Нарықта компания екі брендпен ұсынылған: нысаналы аудиториясы корпоративтік клиенттер (соның ішінде мемлекеттік мекемелер) болып табылатын Kcell және бұқаралық нарық абоненттеріне бағдарланған Activ. Компания ҚР-ның бүкіл дерлік аумағын қамтитын өзінің кең ауқымды жоғары сапалы мобильді байланыс желісінің көмегімен қызмет көрсетеді.
2012 жылғы желтоқсан айында Kcell Лондон қор биржасында GDR (жаһандық депозитарлық қолхаттарын) және Қазақстан қор биржасында жай акцияларын сәтті орналастыруды аяқтады. Баға бір GDR үшін 10,50 АҚШ доллары және бір акция үшін 1,578.68 теңге деңгейінде белгіленді, бұл ретте бір GDR бір акцияға сәйкес келеді. Орналастыру Kcell акционерлік капиталының 25%-дық үлесіне сәйкес келетін 50 миллион дана санындағы акцияларды сатуын қамтыды.
2018 жылғы 21 желтоқсанда «Қазақтелеком» АҚ Kcell-дің Telia Company және Fintur Holdings B.V. компанияларына тиесілі 75% акциясын сатып алды.
Алдағы уақытта компания желілік қамтуды кеңейту және жоғары сапалы байланыс қызметін ұсыну үшін өзінің 3G/4G желісін дамытуға инвестициялауды жалғастыруды жоспарлап отыр. Kcell өз өнімдері мен қызметтерін бәсекеге қабілетті бағалармен ұсынып, өнімдері мен қызметтерінің ассортиментін кеңейтіп, өз желісінің сапасын қамтамасыз етіп және өз брендінің құндылығын арттырып, мобильді байланыс нарығында қызмет көрсетудің жоғарғы стандарттарын қолдауға ұмтылады.