Түркі әлемінің астанасы Түркістанда Қазақстандағы алғашқы 5G-қаланың ресми іске қосылуы өтіп жатыр. Серіктестік аясында ауқымды жобаны ұлттық цифрлық операторы Kcell және телекоммуникациялық жабдықтар саласындағы әлемдік көшбасшы – Ericsson компаниясы жүзеге асыруда.
Kcell мен Ericsson Қазақстан Республикасында 5G технологияларын дамытуды жеделдету туралы стратегиялық келісім жасасты. Келісім аясында компаниялар республикада озық технологияларды – Түркістан қаласындағы бірінші 5G коммерциялық алдындағы аймақты дамытудың жаңа кезеңін ашуда.
Юрий Харламов, Kcell АҚ бас атқарушы директоры:
«Қазақстанда 5G желісін өрістету цифрлық экономика өсімінің қозғаушы күшіне айналмақ. Жаңа буын желісі жасанды интеллектуалды дамытуды, заттардың өнеркәсіптік интернетін (IoT), smart city тұжырымдамасын, бұлтты есептеулер мен Big Data жұмысын жеделдетеді. Бүгінгі таңда Түркістанның барлық тарихи орталығын қамтитын 8 outdoor-станция дайындалып, толық жұмыс істеуде. Бұл қаланың стратегиялық маңызды және туристік нысандары: қалалық Әкімдік, Конгресс Холл, Түркістан Арена стадионы, автовокзал, Фараб орталық кітапханасы, «Батыр» жастар сарайы және т.б. Outdoor-дан басқа әуежай, Kcell абоненттік бөлімі, Rixos қонақ үйі сияқты маңызды туристік нысандарда 5G сайттарын орнату жоспарланған. Бүгіннен бастап Kcell және activ абоненттері жаңа буын желісінде деректерді жіберу мүмкіндігі бар көптеген смартфон модельдерінен 5G желісіне қосыла алады».
Қазақстан үшін бұл – Қазақстан тәуелсіздігінің 30 жылдығына орайластырылған жаңа буын байланысының телекоммуникациялық стандарты – 5G жабыны қамтамасыз етілген тұтастай бір қаланың тарихтағы алғашқы іске қосылуы. Ол «Қазақтелеком» АҚ дамыған инфрақұрылымының арқасында мүмкін болды.
«Қазақтелеком» АҚ Басқарма мүшесі Тимур Худайбердиевтің айтуынша: «Компаниялар тобы 5G саласындағы көптеген сынақтардан кейін өзінің саладағы технологиялық көшбасшы мәртебесін тағы да растады. 5G технологиялары әлдеқайда жоғары өткізгіштік қабілетін қамтамасыз етеді, құрылғылар арасындағы аса сенімді кең ауқымды байланыс жүйелерін құрады, сондай-ақ сигнал кідірісі уақытының әлдеқайда аз болуына кепілдік береді. Бұл технология бизнесті, қалаларды, денсаулық сақтау саласын, мемлекеттік секторды өзгертеді. Түркістан үшін бұл – үлкен деректерді талдау негізінде басқару шешімдерін қабылдау және қызметі толығымен автоматтандырылатын «ақылды өндірістерді» құру мүмкіндігі бар «ақылды қала» элементі мен Заттар интернеті (IoT) қағидатының дамуындағы жаңа кезең. Мұндай технологиялық серпіліс «Қазақтелеком» тобының Ericsson компаниясымен тиімді ынтымақтастығы арқасында мүмкін болды.»
Мобильді технологиялар біздің өміріміз бен жұмысымыздың ажырамас бөлігіне айналды. Пандемия өз кезегінде көптеген салаларда цифрландыруды жеделдетті. Соңғы 10 жылда мобильді трафик 300 есеге өсті, ал 5G технологиясы байланыс тарихындағы ең жылдам дамып келе жатқан технологияға айналып отыр. Ericsson Mobility Report 2021 есебіне сәйкес 2027 жылдың соңына қарай 5G желілерінде 4,4 млрд қосылым болады, бұл – әлемдегі барлық мобильді қосылымдардың жартысына жуығы.
Бүгінгі таңда телекоммуникация – мемлекеттік инфрақұрылымның маңызды нысандарының бірі, оны дамыту қоғамның, бизнес пен өнеркәсіптің өсіп келе жатқан қажеттіліктерін қамтамасыз етуге мүмкіндік береді. 5G желісінің айналасында тұтастай бір экожүйе қалыптасып, жаңа буын байланысы негізінде технологиялар таяу жылдары қарқынды дамитын болады. 5G технологиялары абоненттер арасында да, өндірістік кәсіпорындарда да басқару мен бақылаудың алуан түрлерін, жабдықтар мониторингін және процестерді автоматтандыруды енгізу үшін сұранысқа ие болады.
«Ұзақ мерзімді ынтымақтастық аясында біз Kcell-ге ең жаңа 5G телекоммуникациялық технологияларын енгізу жолында қуана қолдау көрсетудеміз. Болашақта 5 жыл көлемінде 5G желілерінің әрекет ету аймағында бесінші буын байланысына мобильдік қосылыстардың шамамен 50% -ы және смартфондардың әлемдік трафигінің 62% -ы тиесілі болады. Kcell-мен бірлескен жоба Қазақстандағы цифрлық экожүйені одан әрі дамыту үшін техникалық негіз болады және абоненттер үшін де, бизнес үшін де жаңа технологиялардың қолжетімділігін арттырады», – деп атап өтті Шығыс Еуропа және Ericsson компаниясының Орталық Азия өңіріндегі радио және көлік желілерін дамыту жөніндегі вице-президенті Анатолий Ильяич.
Ericsson-да 5G желілерін енгізуге арналған техникалық шешімдердің толық спектрі, сондай-ақ оларды енгізу және біріктіру тәжірибесі бар. Ericsson Radio System замануи жабдығы мен Ericsson-ның басқа да инновациялық әзірлемелерінің арқасында Kcell желісі жаңа қызметтер мен сервистерді іске қосуға дайын. Ғимараттар ішін 5G-мен қамту Ericsson Radio DOT System шешімі арқылы қамтамасыз етіледі, ол желінің өткізгіштік қабілетін арттырады және байланыстағы үзілістерді болдырмайды.
ТОЛЫҒЫРАҚ АҚПАРАТ АЛУ ҮШІН ХАБАРЛАСЫҢЫЗ:Максим ОларьKcell АҚ PR-директорыМоб.: +7 701 211 03 02E-mail: maxim.olar@kcell.kzЮлия БрольУкраина мен ТМД-да Ericsson маркетинг және коммуникациялар жөніндегі менеджеріМоб.: +38 067 466 04 48E-mail: yulia.brol@ericsson.com |
Kcell компаниясы туралы
Kcell – цифрлық телекоммуникациялық қызметтерді: мобильді байланыс пен орнықты байланыстың (FMC) конвергенттік қызметтерін, деректерді беру және интернетке қол жеткізуді, қаржылық сервистерді, цифрлық сервистер мен мобильді қосымшаларды, жүйелік интеграцияны, заттардың интернетін, машинааралық өзара іс-қимылды (machinetomachine), үлкен деректерді жинау және өңдеу және бұлттық есептеулер саласындағы АТ-шешімдерді ұсынатын ұлттық қазақстандық оператор. Смартфон + тариф сервисін ұсыну бойынша Қазақстандағы көшбасшы оператор.
Kcell мобильді қаржы қызметтері, мобильді теледидар, онлайн фильмдер, музыка, кітаптар мен журналдар сияқты қосымша қызметтердің арқасында, сондай-ақ корпоративтік клиенттер үшін бірегей бизнес-шешімдер әзірлеудің арқасында бәсекелестік артықшылығы бар Қазақстанның ірі цифрлық экожүйесіне айналды. Компания сатылас, инфрақұрылымдық шешімдер стратегиясын іске асыру, инновациялық технологияларды дамыту және енгізу есебінен В2В нарығында жетекші орынға ие. 4G/LTE желісімен қамту саласы Қазақстан Республикасы халқының 67,5% -ын қамтиды және қызметтердің жоғары сапасын қамтамасыз етеді.
Компания клиенттерге қызмет көрсетудің жоғары сапасының арқасында жоғары бәсекелі телекоммуникациялық нарықтарда өзін жақсы көрсеткен Kcell және activ брендтерімен ұсынылған. Нақты мультибрендті сәулеттің арқасында Kcell топтамалық қызметтерге қатысты оңтайлы баға белгілеу, клиенттік базаның табыстылығын және желі сапасын басқару есебінен В2С сегментіндегі бизнестің тиімділігін арттыруда.
ERICSSON компаниясы туралы
Ericsson операторларға коммуникациялық технологиялардың барлық мүмкіндіктерін пайдалануға көмектеседі. Компания байланыс желілеріне арналған шешімдер мен технологияларды, цифрлық қызметтерді, кеңейтілген техникалық қолдау қызметтері мен желілерге қызмет көрсетуді ұсынады, сондай-ақ бизнестің жаңа бағыттарын дамытуды қолдайды. Біз клиенттерге цифрлық қызмет көрсетуге, бизнестің тиімділігін арттыруға және жаңа табыс көздерін ашуға көмектесеміз. Ericsson-ның дауыстық байланыс және мобильді кең жолақты қолжетімділік қызметтеріне инвестициялары әлемнің әр түрлі елдеріндегі миллиардтаған адамға пайдасын тигізуде. Компания акциялары Стокгольмдегі NASDAQ биржасында және Нью-Йорктегі NASDAQ биржасында бағаланады. Толығырақ ақпаратты www.ericsson.com сайтынан алуға болады.